पिंपरी चिंचवड मधील 22 कामांचे उपमुख्यमंत्री देवेंद्र फडणवीस यांच्या हस्ते उद्घाटन आणि भूमीपूजन
पिंपरी चिंचवड : प्राधिकरणातील ग.दि.माडगूळकर नाट्यगृह, चिंचवडमधील तारांगण,चिखलीतील जलशुध्दीकरण प्रकल्प, आणि पालिकेच्या (PCMC) नवीन 13 मजली प्रशासकीय इमारतीच्या कामाचे भूमिपूजन यासह 22 कामांचे उद्घाटन आणि भूमीपूजन उपमुख्यमंत्री देवेंद्र फडणवीस यांच्या हस्ते सोमवारी दि. 15/05/23 रोजी होणार आहे.
इतर प्रकल्प असे आहेत, इंद्रायणी नदीवरील निघोजे येथील पंप हाउस, बो-हाडेवाडीतील शाळेची इमारत, मोशीतील सब फायर स्टेशन, रावेत मधील उद्यान, वायसीएम रुग्णालयातील सीएसएसडी प्रकल्प, ब क्षेत्रीय कार्यालयाची नवीन इमारत, कृष्णानगर येथे लॉन टेनिस कोर्ट, नेहरूननगर येथील शाळेची इमारत, इंद्रायणीनगर येथील उद्यान व विरंगुळा केंद्र, घरकुलमधील भाजी मंडईचे लोकार्पण, लाईट हाऊस प्रकल्पाचे उद्घाटन होणार आहे.तर, भामा-आसखेड धरणाच्या जॅकवेल, चिंचवड, पिंपरीतील डेअरी फार्म पुल, मोशी, डुडुळगाव प्राथमिक शाळा इमारत, चोविसावाडीतील नवीन अग्निशामन केंद्र, घरगुती घातक कचरा प्रक्रिया केंद्राचे भूमिपूजन, (PCMC) निरामय योजनेचा प्रारंभ यासह शहरातील मालमत्तांचे सर्वेक्षण करण्याच्या योजनेचा प्रारंभ करण्यात येणार आहे. काही ठिकाणी प्रत्यक्ष जागेवर आणि काही उद्घाटने ऑनलाइन पध्दतीने होणार आहेत..
