पोक्सो अंतर्गत रोड रोमियोवर गुन्हा दाखल
चाकण : रविवारी दि.28 मे रोजी चाकण येथील मेदनकरवाडी मध्ये अल्पवयीन मुलीचा पाठलाग करत तिला त्रास देणाऱ्या दोन रोड रोमियोवर चाकण पोलीस ठाण्यात गुन्हा दाखल कऱण्यात आला आहे.
याप्रकरणी मुलीच्या वडिलांनी चाकण पोलीस ठाण्यात फिर्याद दिली असून साहिल किरण वाघमारे ( वय18) व त्याचा साथिदार ऋशिकेष संजय वाघमारे (वय 19) दोघे राहणारे मेदनकरवाडी यांच्या विरोधात पोक्सो अंतर्गत गुन्हा दाखल करण्यात आला आहे.
चाकण पोलिसांनी दिलेल्या माहितीनुसार ही अल्पवयीन मुलगी दहावीत शिकत असून ती 15 वर्षाची आहे. ती तिच्या शिक्षणासाठी रोज क्लासला जाते व घरी परत येते त्यावेळी आरोपी हे गाडीवरून येवून हॉर्न वाजवत, कॉलर उडवून हाताने इशारे करत व मुलीच्या अंगावर गाडी घातल्यासारखी करत तिला त्रास देत होते. यावरून आरोपींवर चाकण पोलिसांनी गुन्हा दाखल केला असून पोलीस पुढील तपास करत आहेत.
