March 1, 2024
PC News24
गुन्हाधर्म

पुण्यातील मंचर येथे लव्ह जिहाद?..गोपीचंद पडळकरांचे गंभीर आरोप

पुण्यातील मंचर येथे लव्ह जिहाद?..गोपीचंद पडळकरांचे गंभीर आरोप

पुण्यातील मंचर येथे लव्ह जिहादचं प्रकरण असल्याचा दावा भाजप आमदार गोपीचंद पडळकर यांनी करून मुलीला व तिच्या नातेवाईकांना पत्रकारां समोर हजर केले व एकच खळबळ उडवून दिली आहे.

देशभर ‘द केरला स्टोरी’ चित्रपटाची आणि लव्ह जिहादची चर्चा सुरु असताना पुण्यातील मंचरमधूनही अशीच एक घटना समोर आली आहे. मंचरमधून अल्पवयीन मुलीला 2019 मध्ये पळवून घेऊन जात तिच्याशी मुस्लिम मुलाने लग्न केलं. 2019 पासून या मुलीचा शोध सुरु होता, मात्र अखेर ते दोघेही मंचरमध्ये परतल्याने आणि त्यात तिचं लग्न जावेद शेख सोबत झाल्याचं समोर आल्यानंतर हे प्रकरण लव्ह जिहाद असल्याचं सांगण्यात येत आहे. मुलगी जेव्हा घरी परतली तेव्हा ती हिजाब मध्ये होती.

22 मे 2019 ला अल्पवयीन मुलीला मंचर मधून घेऊन पळालेला तरुण चार वर्षांनी परतला आणि त्यानंतर पोलिसांनी त्याला बेड्या ठोकल्या. मुलीच्या कुटुंबीयांनी ती हरवल्याची तक्रार ही दाखल केली. मात्र तिचा शोध लागत नव्हता. ते पसार झाले होते. तेव्हा मुलगी अकरावीत शिकत होती, तर मिळेल ते काम करणारा जावेदचं दहावीपर्यंत शिक्षण झालं होतं. अशा परिस्थितीत दोघे घर सोडून गेले होते. महाराष्ट्र महाराष्ट्रसह सुरत आणि उत्तरप्रदेशात त्यांनी चार वर्षे काढली. या ठिकाणी विविध कंपन्यांमध्ये काम करून उदरनिर्वाह केला. या दरम्यान ती सज्ञान झाली आणि दोघांनी कोर्ट मॅरेज करत निकाहनामा ही केला. त्यानंतर तब्बल चार वर्षानी ते मंचरमध्ये परतले. आठवड्याभरानंतर कुटुंबियांना ती गावात आल्याचं समजलं, त्यांनी पोलिसांना याबाबत सांगितलं. मग पोलिसांनी तिला बोलावून घेतला आणि वैद्यकीय चाचणीसाठी तिला रुग्णालयात पाठवलं, तिथं डॉक्टरांनी काही प्रश्न विचारले असता. तिच्या बोलण्यातून हा घडला प्रकार समोर आला. त्यात तिचा छळ करण्यात आला होता का? तिचे जबरदस्तीने धर्मांतर केले होते का? असे प्रश्न निर्माण झाले आहेत. त्यानंतर पोलिसांनी जावेदला अटक केली असून 363 सह 376 आणि पॉस्कोच्या कलमान्वये गुन्हा दाखल केला आहे. सध्या जावेद येरवडा तुरुंगात आहे व पोलिस पुढील तपास करीत आहेत.

या सगळ्या प्रकारात मुलाच्या कुटुंबीयांचा देखील समावेश आहे, असं बोललं जात आहे. मात्र 2019 मध्ये हे दोघे पळून गेले होते. त्यावेळी आईवडिलांकडे मुलासंदर्भात चौकशी करण्यात आली होती. त्यावेळी मुलगा घरी नसल्याचं आणि त्याच्याशी आमचा काहीही संबंध नसल्याचं आईवडिलांनी सांगितलं होतं. या प्रकरणी आता त्यांच्या आईवडिलांची देखील सखोल तपासणी करणार असल्याचे पोलिसांनी सांगितलं आहे.

Related posts

गुरुपौर्णिमेनिमित्त आज उपक्रमशील शिक्षकांचा गुरुगौरव चिंचवडला कार्यक्रम

pcnews24

मुख्यमंत्र्यांच्या कार्यक्रमात गोंधळ, अजित पवार यांच्या भाषणादरम्यान घोषणाबाजी.

pcnews24

‘मायलेकाची ‘अशी’ भेट पाहून सर्वांचे मन हेलावून गेले’,सरकारला जेरीस आणणारे जरांगे पाटील यांना आईला पाहताच कंठ दाटून आला..

pcnews24

RSS पुण्यातील कार्यक्रमाची शिस्तबद्ध आखणी;मोबाईल नेण्यास देखील बंदी

pcnews24

शहरातील पाच मोठ्या मॉलला नोटीसा.

pcnews24

संभाजी ब्रिगेडचे संतोष शिंदे यांच्यावर गुन्हा दाखल,मुख्यमंत्र्यांना इशारा देणं भोवलं

pcnews24

Leave a Comment