पुण्यात वाढते आहे कोयत्यांची दहशत
पूर्ववैमनस्यातून कोयते उगारून दहशत माजवण्याचा प्रकार पुणे, शिवाजीनगर भागातील वडारवाडी येथे घडला आहे. टोळक्याने दुचाकी, रिक्षा आणि मोटारीची तोडफोड केली.
या प्रकरणी रवि ओरसे (वय 42, रा. जुनी वडारवाडी) यांनी चतु:शृंगी पोलीस ठाण्यात फिर्याद दिली असून पाच ते सहा जणांच्या विरुद्ध गुन्हा दाखल करण्यात आला आहे.
ओरसे हे वडारवाडी भागातील गोलंदाज चौकात थांबले होते. त्या वेळी पाच ते सहा जण तेथे आले आणि त्यांनी ओरसे यांच्या मोटारीची काच फोडली. रस्त्याच्या कडेला लावण्यात आलेल्या रिक्षा, दुचाकींची तोडफोड केली.
त्यांच्याकडे दांडके आणि कोयते होते. टोळक्याने परिसरातील नागरिकांना शिवीगाळ करुन दहशत माजविली व नंतर पसार झाले. सहायक पोलीस निरीक्षक (चतु:शृंगी पुणे) अनिल केकाण तपास करत आहेत.
