तळेगाव येथे पिस्टल बाळगल्या प्रकरणी एकास अटक
खंडणी विरोधी पथकाने पिस्टल बाळगल्या प्रकरणी मंगळवारी (दि. 13) सायंकाळी साडेचार वाजताच्या सुमारास एमआयडीसी परिसरातून एकास अटक केली आहे.
विशाल चव्हाण (वय 43, रा. तळेगाव) असे अटक केलेल्या आरोपीचे नाव आहे. याप्रकरणी पोलीस अंमलदार आशिष बोटके यांनी तळेगाव एमआयडीसी पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, तळेगाव एमआयडीसी परिसरातील कातवी येथे एकजण पिस्टल घेऊन आला असल्याची माहिती खंडणी विरोधी पथकाला मिळाली. त्यानुसार पोलिसांनी सापळा लावून विशाल याला ताब्यात घेतले. त्याची झडती घेतली असता त्याच्याकडे देशी बनावटीचे एक पिस्टल आणि एक जिवंत काडतूस आढळले. पोलिसांनी 50 हजार 500 रुपयांचा मुद्देमाल जप्त केला आहे. तळेगाव दाभाडे एमआयडीसी पोलीस तपास करीत आहेत.
