रहाटणीच्या स्पा सेंटरवर छापा,दोन पिडीतांची सुखरूप सुटका.
पिंपरी-चिंचवड पोलीस आयुक्तालयाच्या गुन्हे शाखेच्या अनैतिक मानवी वाहतूक प्रतिबंधक कक्षाने रहाटणी येथील एका स्पा सेंटरवर छापा टाकला.यात दोन पीडित मुलींची सुखरूप सुटका केली असून दोघांना अटक झाली आहे.
या प्रकऱणी पोलिसांना एक महिला व रोहन विलास समुद्रे (वय 34 रा.पिंपरी) याला अटक केली आहे. पोलिसांनी दिलेल्या माहितीनुसार, आरोपी हे शिवार चौकात APPLE SPA नावाने स्पा सेंटर चालवायचे. जिथे ते पीडितेकडून स्वतःच्या उपजिवेकासाठी वेश्या व्यवसाय करवून घेत होते.
य़ावरून पोलिसांनी आरोपींना अटक करत दोन मुलींची सुटका केली आहे. तर,आरोपींवर वाकड पोलीस ठाण्यात गुन्हा दाखल कऱण्यात आला आहे.
ही कारवाई अनैतिक मानवी वाहतूक प्रतिबंधक विभागाचे पोलीस निरीक्षक देवेंद्र चव्हाण, पोलीस उपनिरीक्षक प्रदीप सिंग सिसोदे, पोलीस अंमलदार सुनील शिरसाठ, सुधा टोके, भगवंता मुठे, मारुती करचुंडे, गणेश कारोटे, वैष्णवी गावडे, संगिता जाधव, रेश्मा झावरे, सोनाली माने यांनी केली आहे.
