February 26, 2024
PC News24
गुन्हा

तीन महाविद्यालयीन विद्यार्थ्यांकडून 11 लाख 70 हजार रुपयांचा गांजा जप्त

तीन महाविद्यालयीन विद्यार्थ्यांकडून 11 लाख 70 हजार रुपयांचा गांजा जप्त

पोलिसांच्या गुन्हे शाखेच्या अमली पदार्थ विरोधी पथकाने पुणे नगर रस्ता परिसरातून रविवारी (दि.18) गांजा विक्रीसाठी आलेल्या तीन महाविद्यालयीन विद्यार्थ्यांकडून 11 लाख 70 हजार रुपयांचा 56 किलो गांजा जप्त केला आहे.त्यांना ताब्यात घेवून अटक करण्यात आली आहे.

राम राजेश बैस (वय 20, रा. रामपुरी वॉर्ड, कॅम्प परिसर, गडचिरोली), ऋतिक कैलास टेंभुर्णे (वय 21, रा. गौराळा, ता. लाखुंदर, जि. भंडारा) आणि निकेश पितांबर अनोले (वय 22, रा. कस्तुरबा वॉर्ड, ता. देसाईगंज, जि. गडचिरोली) अशी अटक केलेल्यांची नावे आहेत. या प्रकरणी चंदननगर पोलिस ठाण्यात तिघांविरुद्ध गुन्हा दाखल करण्यात आला आहे.हि कारवाई गुन्हे शाखेच्या अमली पदार्थ विरोधी पथक- 2 चे वरिष्ठ पोलिस निरीक्षक सुनील थोपटे, सहायक फौजदार शिवाजी घुले, रवींद्र रोकडे, संतोष देशपांडे, संदीप जाधव महेश साळुंखे, साहिल शेख, नितीन जगदाळे, अझीम शेख, दिनेश बास्टेवाड यांनी ही कारवाई (Pune) केली.

पोलिसांनी दिलेल्या माहितीनुसार, गुन्हे शाखेच्या अमली पदार्थ विरोधी पथक – 2 मधील कर्मचारी नगर रस्त्यावरील खराडी भागात रविवारी गस्तीवर होते. त्यावेळी गडचिरोलीतील तिघेजण चंदननगर परिसरात गांजा विक्री करण्यासाठी येणार असल्याची माहिती पोलिस हवालदार चेतन गायकवाड आणि रवींद्र रोकडे यांना मिळाली. त्यानुसार पोलिस पथकाने सापळा रचून तिघांना ताब्यात घेतले.झडती दरम्यान त्यांच्याकडे गांजा आढळून आला. पोलिसांनी 55 किलो गांजा आणि मोबाईल असा मुद्देमाल जप्त केला आहे.

Related posts

सईचा ड्रायव्हर सद्दाम याला मारहाण.

pcnews24

तोतया आयएएस अधिकारी तायडे यांस तळेगांव दाभाडे येथे अटक

pcnews24

वानवडी :रिक्षाचालकाचा तरुणीवर बलात्काराचा प्रयत्न : वानवडी येथील घटना

pcnews24

पुणे:व्हीआयपी दौऱ्या दरम्यान पुण्यात पालिका अधिकाऱ्यांचा जोरदार राडा

pcnews24

एटीएसच्या तपास अहवालातून धक्कादायक माहिती समोर…शास्त्रज्ञ कुरुलकर ISIच्या संपर्कात..!

pcnews24

घरफोडी गुन्ह्यातील सराईत आरोपींना अटक,सर्व अटक आरोपी पिंपरी चिंचवडमधील.

pcnews24

Leave a Comment