March 1, 2024
PC News24
गुन्हा

वाकड:चार वर्षीय मुलगी गायब आणि अपहरणाचा कॉल

वाकड:चार वर्षीय मुलगी गायब आणि अपहरणाचा कॉल

वाकड येथील शाळेतून एका चार वर्षाच्या मुलीचे अपहरण झाल्याचा कॉल पोलिस हेल्पलाईन 112 वर आला आणि वाकड पोलिसांची एकच धावपळ उडाली. एका पादचारी व्यक्तीने तिला पोलीस चौकीत आणले आहे असे समजताच पोलिसांचा जीव भांड्यात पडला. अशा प्रकारे मुलीचे अपहरण झाले नसून ती खेळता खेळता शाळेच्या आवारातून बाहेर पडली होती असे समजले आहे.

चार वर्षीय मुलगी थेरगाव येथील सेंट एलिया हायस्कूल या शाळेत ज्युनिअर केजीमध्ये शिकत आहे. मंगळवारी (दि. 20) सकाळी साडेदहा वाजताच्या सुमारास ती शाळेत आवारात खेळत असताना अचानक बाहेर पडली. मुलगी शाळेत दिसेना म्हणून शाळा व्यवस्थापनाने तिच्या घरच्यांना फोन केला. मात्र, ती घरी देखील नसल्याचे समजताच शाळेकडून हेल्पलाईन 112 वर आरोहीचे अपहरण झाल्याचा कॉल करण्यात आला.

पोलिसानी घटनेची गांभीर्याने दखल घेतली. वाकड विभागाचे सहायक पोलीस आयुक्त विशाल हिरे, वरिष्ठ पोलीस निरीक्षक गणेश जवादवाड, वाकड डीबी पथकातील अधिकारी, कर्मचारी असा पोलिसांचा मोठा फौजफाटा थेरगाव येथील शाळेच्या परिसरात दाखल झाला.शाळेच्या परिसरातून बाहेर जाणाऱ्या मार्गांवर पोलिसांनी नाकाबंदी केली. शाळेतील आणि बाहेरच्या आवारातील सीसीटीव्ही फुटेजची तपासणी सुरु केली.

सहायक पोलीस आयुक्तांच्या मदतीने तपासाची पुढील दिशा आखत असतानाच थेरगाव चौकीतून माहिती आली की, चार वर्षांच्या एका मुलीला एका पादचाऱ्याने थेरगाव चौकीत आणून सुपूर्द केले आहे. पालकांसह पोलीस थेरगाव चौकीत आले. आईला पाहताच मुलगी तिच्या आईच्या कुशीत विसावली. मुलगी सापडल्याचे समजताच पोलिसांचा जीव भांड्यात पडला.

Related posts

मध्यरात्रीपर्यंत हॉटेल सुरू ठेवल्याने हॉटेल मालकावर गुन्हा दाखल

pcnews24

रहाटणीच्या स्पा सेंटरवर छापा,दोन पिडीतांची सुखरूप सुटका.

pcnews24

पुण्यात आणखी दोन दहशतवाद्यांनाअटक; एक भूलतज्ज्ञ डॉक्टर आयसीसशी संबंधित.

pcnews24

दिल्ली:डीपफेक व्हिडिओप्रकरणी अधिकारी नियुक्त.

pcnews24

सावधान!पुणे मुंबई महामार्गावर अडवून होते लुटमार.

pcnews24

जितेंद्र आव्हाडांवर अदखलपात्र गुन्हा दाखल.

pcnews24

Leave a Comment