पिंपरी चिंचवड महानगरपालिका:कार्यतत्पर आपत्ती व्यवस्थापनाला सलाम!…आयुक्तांच्या हस्ते सन्मान
बीपीसीएल कंपनीचा गॅस वाहतुक करणाऱ्या टँकरला मुंबईहून पुण्याच्या दिशेने रविवार (दि.२५ जून) रोजी पहाटे ३.३०वा.जात असताना कै.मधुकरराव पवळे पुलाजवळ अपघात झाला यावेळी तात्काळ घटनास्थळी धाव घेऊन पलटी झालेल्या टँकर मधील लिकेज गॅस बंद केला व गॅस ट्रान्सफर आणि रिकव्हरी करून वाहतूक व्यवस्था सुरळीत केली होती.
यात पोलीस,आपत्ती व्यवस्थापन विभाग, अग्निशमन विभाग, माहिती व जनसंपर्क विभाग, बीपीसीएल कंपनीचे अधिकारी, महाराष्ट्र विद्युत वितरण कंपनीचे अधिकारी व सामाजिक कार्यकर्ते यांनी मोलाची भूमिका बजावली. त्यांच्या या कार्य तत्परतेने मोठा अनर्थ टळला.या सर्व कार्यतत्पर आपत्ती व्यवस्थापनाला सलाम म्हणून मा. प्रशासक तथा आयुक्त श्री.शेखर सिंह यांच्या हस्ते सत्कार करण्यात आला.
