अखिल भारतीय राजभाषा परिषदेचा विभागीय आयुक्तांनी घेतला आढावा,14 आणि 15 सप्टेंबर बालेवाडी येथे परिषद
केंद्रीय गृह मंत्रालयाच्या भारतीय राजभाषा विभागाच्या वतीने हिंदी राजभाषा दिवस साजरा करण्यात येतो.2023 या वर्षीचा हिंदी राजभाषा दिवस आणि अखिल भारतीय राजभाषा परिषदेचे आयोजन करण्याचा बहुमान पुणे जिल्हा प्रशासनाला मिळाला आहे. 14 आणि 15 सप्टेंबर रोजी बालेवाडी येथील श्री शिवछत्रपती क्रिडा संकुल येथे ही परिषद आयोजित करण्यात येत. यासाठी सर्व विभागांनी परस्पर समन्वयाद्वारे योग्य नियोजन करुन परिषद यशस्वी करावी, असे निर्देश विभागीय आयुक्त सौरभ राव यांनी दिले.
या परिषदेच्या आयोजना संदर्भात विभागीय आयुक्त कार्यालयात आढावा बैठक घेण्यात आली.बैठकीस भारत सरकारच्या राजभाषा विभागाच्या सचिव अंशुली आर्या, संयुक्त सचिव मीनाक्षी जौली, जिल्हाधिकारी डॉ.राजेश देशमुख, क्रिडा आयुक्त सुहास दिवसे, पिंपरी चिंचवड महानगरपालिका आयुक्त शेखर सिंह, उपायुक्त वर्षा लड्डा-उंटवाल, अपर पोलीस आयुक्त अरविंद चावरीया,बी.जे.वैद्यकीय महाविद्यालयाचे अधिष्ठाता डॉ. मुरलीधर तांबे, आयआरसीटीसीचे महाप्रबंधक पिनाकिन मोरावाला यावेळी उपस्थित होते.सूचना राव यांनी यावेळी केली. बालेवाडी येथील क्रिडा संकुलात हस्तकला प्रदर्शन, वैद्यकीय शिबीराचे आयोजन करण्यात येणार आहे. त्यादृष्टीने प्रशासनाने तयारी करावी असेही राव यांनी सांगितले.
राजभाषा विभागाच्या सचिव अंशुली आर्या यांनी अखिल भारतीय पातळीवरील या परिषदेचे आयोजन करण्याची संधी पुण्याला मिळाली असल्याचे सांगितले. परिषदेचे आयोजन यशस्वी करण्याचे आवाहन त्यांनी जिल्हा प्रशासनाला केले. बैठकीला विविध विभागांचे अधिकारी, स्वयंसेवी संस्थांचे प्रतिनिधी उपस्थित होते.
