संभाजीनगर,चिंचवड:बालविवाह प्रकरणी मुलीच्या पालकांवर गुन्हा
मुलीचे वय अठरा वर्षापेक्षा कमी आहे हे माहिती असून देखील तिचा विवाह आई व वडिलांनी लावून दिला. या प्रकरणी त्यांच्या विरोधात गुन्हा दाखल करण्यात आला आहे. ही घटना शनिवारी (दि. 8) दुपारी तीन वाजताच्या सुमारास संभाजीनगर, चिंचवड येथे घडली.
पोलिसांनी दिलेल्या माहितीनुसार, आरोपींनी त्यांच्या मुलीचे वय अठरा वर्षांपेक्षा कमी आहे हे माहिती असूनदेखील तिचा विवाह तिचा किशोर पोपट क्षीरसागर (वय 27) याच्याशी लावून दिला. हा विवाह सोहळा शनिवारी दुपारी संभाजीनगर, चिंचवड येथील एका हॉटेलमध्ये सुरू होता. त्यावेळी पोलिसांनी कारवाई करून मुलीच्या आई-वडिलांवर गुन्हा नोंदवला आहे. निगडी पोलीस तपास करीत आहेत.
याप्रकरणी पोलीस नाईक शिवाजी नागरगोजे यांनी निगडी पोलीस ठाण्यात फिर्याद दिली आहे. त्यानुसार मुलीचे वडील प्रकाश तात्याबा डोके (वय 45) आणि त्याची पत्नी (दोघे रा. कवठे यमाई, ता. शिरूर) आणि इतर लोकांच्या विरोधात गुन्हा दाखल करण्यात आला आहे.
