वेदांता फॉक्सकोन, एअरबस, सॅफरोन, बल्कड्रग पार्क या प्रकल्पांची श्वेतपत्रिका काढण्याचे आदेश
राज्यातील मोठे चार प्रकल्प वेदांता फॉक्सकोन, एअरबस, सॅफरोन, बल्कड्रग पार्क यांची श्वेतपत्रिका काढण्याचे आदेश उद्योगमंत्र्यांनी दिले आहेत. हे प्रकल्प महाराष्ट्रातून, गुजरातमध्ये गेल्यामुळे या चार प्रकल्पांची चौकशी करण्याचा निर्णय सरकारकडून घेण्यात आला आहे. या प्रकल्पांवरुन म वि आघाडीने सरकारला चांगलेच धारेवर धरलं होतं.
या प्रकल्पांवरुन राज्यात रोजगाराच्या मुद्यावरुन बरीच राजकीय टीका टिप्पणी झाली होती त्याचप्रमाणे सरकार व विरोधक यांनी एकमेकांना दोषी धरून आरोप-प्रत्यारोप केले होते.आरोप झालेल्या या चार प्रकल्पांची श्वेतपत्रिका पावसाळी अधिवेशनाच्या दुसऱ्या आठवड्यात पटलावर ठेवली जाणार आहे. याद्वारे आदित्य ठाकरेंना घेरण्याचा सत्ताधाऱ्यांचा मानस असणार आहे.
श्वेतपत्रिकेता जाहीर झाल्यानंतर जी माहिती समोर येईल त्यावरुन यंदाचं पावसाळी अधिवेशनच चांगलच गाजणारं ठरू शकतं.
