पिंपरी-चिंचवड शहराला मिळाले आणखी दोन पोलीस उपायुक्त.
पिंपरी-चिंचवड शहराला एक अपर आयुक्त आणि दोन उपायुक्त या पदांना राज्य शासनाने मंजुरी दिली होती. त्यानंतर आता दोन पोलीस उपायुक्तांची बदली पिंपरी-चिंचवड शहरात करण्यात आली आहे. या बदलीचे आदेश राज्य शासनाचे अपर सचिव स्वप्नील बोरसे यांनी दिले आहेत.
युसीटीसी फोर्स वन मुंबई येथे पोलीस अधिक्षक असलेले संदीप डोईफोडे आणि महाराष्ट्र पोलीस अकादमी नाशिक येथे अपर पोलीस अधिक्षक असलेले शिवाजी पवार या दोन अधिकाऱ्यांची पिंपरी-चिंचवड शहरात पोलीस उपायुक्तपदी बदली करण्यात आली आहे.
