March 1, 2024
PC News24
ठळक बातम्याराज्यसामाजिक

कर्नाटक, बागलकोट येथील शिवाजी महाराजांचा पुतळा प्रशासनानं हटवल्यामुळे तणाव.

कर्नाटक, बागलकोट येथील शिवाजी महाराजांचा पुतळा प्रशासनानं हटवल्यामुळे तणाव.

कर्नाटकातील बागलकोट येथे परवानगी न घेता उभारण्यात आलेला छत्रपती शिवाजी महाराजांचा पुतळा रात्रीच्या अंधारात नगरपरिषदेकडून जेसीबी लावून कडक बंदोबस्तात हटवण्यात आला आहे. यामुळे शिवप्रेमींमधून कर्नाटक सरकारच्या विरोधात संतप्त प्रतिक्रिया उमटत आहेत. शहर परिसरात तणावाचे वातावरण निर्माण झाले असून भाजप व हिंदुत्ववादी संघटनांकडून या कारवाईला विरोध होत आहे. दरम्यान कोणताही अनुचित प्रकार घडू नये म्हणून संपूर्ण शहरात पोलीस बंदोबस्त तैनात करण्यात आला आहे.

या पार्श्वभूमीवर शहरातील संवेदनशील ठिकाणी पोलिसांचा कडक बंदोबस्त ठेवण्यात आला आहे. विशेषतः मंदिर, मस्जिद आणि काँग्रेस कार्यालय येथे पोलिसांचा मोठा बंदोबस्त तैनात करण्यात आला आहे. तर या कारवाई विरोधात भाजप आणि हिंदुत्ववादी कार्यकर्त्यांनी बैठक देखील बोलावली आहे,या बैठकीचे नेतृत्व करणारे बागलकोटचे माजी आमदार विरणा चरनीमठ आणि कार्यकर्त्यांनी बागलकोट बंदची हाक देण्याचा निर्णय घेतला आहे.

शहरात काल मध्यरात्री बारा वाजल्यापासून जमावबंदीचे आदेश जारी करण्यात आले आहेत. जमावबंदीचे आदेश असताना देखील भाजपाने हिंदुत्ववादी कार्यकर्त्यांनी शेकडोच्या संख्येने एकत्र येथे सहभाग घेतला. यामुळे कोणताही अनुचित प्रकार घडू नये यासाठी बागलकोट गदग विजापूर या भागात पोलिसांकडून कडक बंदोबस्त तैनात करण्यात आला आहे. सर्वोच्च न्यायालयाने आजांनवर बंदी घालण्याचा आदेश दिलेला असताना देखील त्यांच्यावर कारवाई का होत नाही असाही प्रश्न यावेळी हिंदुत्ववादी संघटनांकडून विचारण्यात आला आहे. तसेच छत्रपती शिवाजी महाराजांचा पुतळा तेथे पुन्हा उभा करू असे तेथील माजी आमदारांनी म्हटले आहे.

दरम्यान, बागलकोटच्या घटनेचे महाराष्ट्रात देखील पडसाद उमटले आहेत. महाराष्ट्र भाजपचे प्रदेशाध्यक्ष चंद्रशेखर बावनकुळे यांनी तीव्र प्रतिक्रिया दिली ते म्हणाले, “कर्नाटकातील काँग्रेस सरकारनं मुजोरी करत बागलकोट चौकातून महाराष्ट्राचे आराध्य दैवत छत्रपती शिवाजी महाराजांचा पुतळा मध्यरात्री हटवला आहे. हा संपूर्ण हिंदुस्थान आणि कोट्यवधी शिवभक्तांचा अपमान आहे.”

Related posts

ब्रेकिंग न्यूज – मी अध्यक्षपदावरून निवृत्त होणार शरद पवार (व्हिडिओ सह)

pcnews24

‌चिंचवड:साईनाथ बालक मंदिर चा आगळावेगळा उपक्रम,आजी आजोबांचा मेळाव्यात उत्साही प्रतिसाद.

pcnews24

महाराष्ट्राच्या निर्मितीत आचार्य अत्रे यांचे मोलाचे योगदान

pcnews24

अभिनेता संकर्षण कऱ्हाडे ‘रिअल’ हिरो… पुणे ते लोणावळा बस ड्रायव्हिंगचा व्हिडिओ व्हायरल

pcnews24

‘शिंदे अन् अजित पवार गटातील आमदार, खासदार भाजपात जातील’: संजय राऊत.

pcnews24

पुणे नाशिक महामार्गावर वाहनाच्या धडकेत बिबट्याचा मृत्यू

pcnews24

Leave a Comment