साने गुरुजी तरुण मंडळाच्या गणपतीच्या मांडवाला आग;जे पी नड्डा आरतीसाठी आले होते.
पुण्यातील आंबीलोढा कॉलनी नजीक साने गुरुजी तरुण मंडळाच्या गणपतीच्या आरतीसाठी भाजपचे राष्ट्रीय अध्यक्ष जे पी नड्डा आले असताना मंडळाच्या मांडवात आग लागल्याची घटना काही वेळापूर्वी घडली आहे. आग लागली त्याच दरम्यान जोराचा पाऊस सुरू झाल्यामुळे आग काही मिनिटांत विझली व मोठी दुर्घटना टळली व जखमी वा जिवितहानी झाली नाही.
गणेशोत्सव मंडळाने देखावा म्हणून महाकाल मंदिराची प्रतिकृती उभारली आहे. आज (26 सप्टेंबर ) ला या मंडळाच्या गणपतीची रात्रीची आरती भाजपचे राष्ट्रीय अध्यक्ष जे पी नड्डा यांच्या हस्ते चालू असताना त्याच मंदिराच्या कळसाला आग लागली. त्यामुळे जे पी नड्डा यांना आरती अर्धवट सोडून बाहेर पडावे लागले. आग लागली त्याच दरम्यान जोराचा पाऊस सुरू झाल्यामुळे आग काही मिनिटांत विझली व मोठी दुर्घटना टळली. तसेच अग्निशमन दलाकडून दोन फायरगाड्या व एक वाॅटर टँकर घटनास्थळी पोहोचला असून आग आटोक्यात आहे.आग कशामुळे लागली याचे कारण मात्र अद्याप समजू शकले नाही.
