राष्ट्रवादीचे आमदार एकनाथ खडसे यांना हृदयविकाराचा झटका,तातडीने मुंबईत आणण्यात येणार.
विधान परिषदेतील आमदार एकनाथ खडसे यांना दुपारच्या दरम्यान हृदयविकाराचा झटका आला. राष्ट्रवादीचे नेते एकनाथ खडसे यांना तातडीने पुढील उपचारासाठी मुंबईत आणण्यात येणार आहे.
राज्याच्रे मुख्यमंत्री एकनाथ शिंदे यांना ही माहिती कळताच त्यांनी खडसे यांना मुंबईला आणण्यासाठी एअर अॅम्बुलन्सची व्यवस्था करण्याच्या सूचना दिल्या आहेत.
दरम्यान जळगाव येथील रुग्णालयात त्यांना दाखल करण्यात आले आहे. यावेळी मुख्यमंत्री शिंदे यांच्याशी फोनवर संवाद झाला. मुख्यमंत्र्यांनी प्रशासनाला खडसे यांच्यासाठी एअर अम्बुलन्सची व्यवस्था करण्याचा सूचना दिल्या.काही वेळातच खडसे यांना मुंबईत आणण्यात येईल आणि त्यांच्यावर पुढील उपचार करण्यात येतील.
